පොතක් කළ හරියක් !

රෝග දුක් මහ මෙරුව

නඟින ජන ගඟ සැර ය

හුදී ජන අරගල ය

හොයන්නේ සැප සුව ය

හුදෙකලා සටනක ය

වෙට්ටු කැපිලිත් සරු ය

යටින් දිවෙනා ගැටි ය

රජේ සේවේ හැටිය

බෙහෙත් කරනා අප ය

බෙහෙත් ගන්නා ඔබ ය

මැද දැනෙන හිස් තැන ය

පුරවන්න මේ තැත ය

මා සොයා ආ රැස ය

මටම දුන් තීරුව ය

පටන් ගෙන බෝ කල් ය

ලියන්නේ ඒ ගැන ය

දැන් වසර දෙකකුත් ය

පොතක් කරලා ඇති ය

රැගෙන කියවා සකිය

එවනු මැන ඔබෙ සවිය

බෝධිනී සමරතුංග 

2019

රැස පුවත්පතට 2018අවුරුද්දේ සිට ලියන සෞඛ්‍ය කතන්දර තීරුව දැන් පොතක් වෙලා. පොත උත්සව මොකුත් නැතුව පිට වුනා. දැන් අවුරුදු දෙකක්... තෙවන මුද්‍රණය. 

ප්‍රකාශනය - ග්‍රන්ථ.lk ආයතනය

දෙවන මුද්‍රණයේ ඉඳන් කතෘ භාගය එකතුවෙනවා අවශ්‍යම දෙකට දන් දෙන්න. පළමු මුද්‍රණයේ කතෘ භාගය වෙනුවෙන් පොත්ම ලබාගත්තා. 

පොත ගන්න හැකි තැන් බොහොම යි. සරසවි සූරිය, දයාවංශ සහ ග්‍රන්ථ එකෙන් නම් ඕනෙම තැනකට ගෙන්වාගන්න පහසුකම තියෙනවා.

www.grantha.lk